Heilsulind á Ströndum

Hótel Laugarhóll er fjölskyldurekið gistihús í Bjarnarfirði, gróðursælum dal á Ströndum, miðja vegu milli Ísafjarðar og Reykjavíkur. Boðið er upp á gistingu í eins, tveggja og þriggja manna herbergjum með eða án sér snyrtingar. Einnig er tekið á móti hópum, allt að 40 manns, í uppbúin rúm. Á Laugarhóli er heimilislegur veitingastaður, notaleg setustofa með ókeypis nettengingu, íþróttasalur, ylvolg sundlaug og heitur náttúrupottur. Skammt frá er tjaldsvæði með rennandi vatni og salernum. Utan háannatíma, október til apríl, hentar staðurinn einstaklega vel til funda-, námskeiða- og ráðstefnuhalds og ekki síður fyrir hugleiðslu-, jóga-, gönguskíða-, íþrótta- og leikhópa, og sem æfingabúðir fyrir björgunarsveitir eða kóra og aðra tónlistarmenn. 

Hótel Laugarhóll er opið frá 1. maí til 30. september. Þess utan er hægt að leigja hótelið fyrir áðurnefnda starfsemi.

Bæklingur